باشوفك بعين اللي حبّ و حَكَم
بتسيبي جنّة بخطو القدَم
و عِطرِك يفوحلي بِنُطْق اللسان
و صِدْقِك في عِشْقِكْ يهزّ الكيان
و اقولّك (ملاكي) و اقولّك كمان
كتبتك قصيدة.. عشقتك نغم
***
في دنيانا انت كعتمة و نور
بقلبك دهب في وسط الصخور
و لون الدهب بيغري العيون
و لا املُك غير ادعيله ربي يكون
بعيد عن دروب الدموع و الألم
***
ما تستغربيش لما ييجي الكلام
بكل السهولة.. ما هو مش كلام
ده حِسِّك سمعته و كتبته و كان
غنايا بصوتك.. يا صوت الكمان
و آحس انُّ وِصْلِكْ في وشّ ابتسَمْ
