قدّام عينيك

مهما تعمل أو تبيِّن 

قلبك اتغيَّر بقسوة 

لسّه في عنيّه حنيِّـن..

و لسّه في عنيك ساكنة غنوة..

 و يا ما ِسكْنِتْـها أغاني..

و يا ما غنّيتلي فـْ سكوت..

و امّا تتمنّى الأماني 

كنت اعيشهالك و اموت 

ولسّه موتي عندي هيِّن 

بس اكون قدّام عينيك 

***

مش مهم تكون معايا 

أو يكون هواك هوايا 

المهم ان انت انت 

ليَّه أو لحد تاني 

بس ما انتاش حد تاني 

ما انت آخر حد ليَّه 

سبته جوه القلب باقي 

انت آخر حد فيَّه 

له حنيني و اشتياقي