سيبه لنفسه
سيبه لروحه
ما تخافشي أيامه يروحوا
جايز راجع قلبه لقاك
مش فارس حلمه اللي مواعده
جايز راجع.. بس هواك
مش قادر يستحمل بعده !
عايز تستنّاه ؟ استنّاه
عايز تنسى ؟ خلاص انساه
بس حرام عالقلب جروحه
***
لما يكون دلوقت بيضحك
و انت بتبكي عليه و عليك !
و لا هيجيبه الدمع لعَندَك
و لا هيريَّح هم ماليك
هو فْـ حاله.. و انت فْـ حالك
ولاّ عذابَك بقى يحلالك ؟
***
بطَّل ليلة تفكَّر قلبك
ما بيسألشي يبقى نسيك
حتى اذا كان شاري و بيحبَّك
مش هيحب الضعف ده فيك
ألف بداله.. و ألف بدالك
نفسك هي اللي هتبقالك
...
...
جايز راجع قلبه لقاك
مش فارس حلمه اللي مواعده
جايز راجع.. بس هواك
مش قادر يستحمل بعده !
عايز تستنّاه ؟ استنّاه
عايز تنسى ؟ خلاص انساه
بس حرام عالقلب جروحه
سيبه لنفسه
سيبه لروحه
ليست هناك تعليقات:
إرسال تعليق