لما تحس بوحدة روح
لما تحس بغربة نفس
لما تحس انك مجروح
انت لوحدك من غير لمس
لما تحن فْـ حضن الليل
تحضن أم .. تبوس إيد أب
لما تلاقي الهم تقيل
ارفع إيدك قولّه (يا رب)
لما تحس انك محتاج
حد تروحله تبوحله تنوح
حد يصد معاك أمواج
و يكونلك في طوفانك نوح
لما آلامك تبقى جبال
يحتار فيها أهل الطب
هو العالم بالأحوال
ارفع إيدك قولّه (يا رب)
لما الحق يتوه ما يجيش
و لا تعرفش طريقه منين
لما الظلم يطول و يعيش
يومه بشهر و شهره سنين
لما تحس انك مخنوق
لما يهدك وجع القلب
لما دموعك تبقى وضوء
ارفع إيدك قولّه (يا رب)
تم النشر عن طريق برنامج بلوج برس آي فون
لما تقابل ناس خاينين ... لما يقابلوا الحب بكره
ردحذفإرفع إيدك قوله يا رب
لما الدنيا تضيق في عينيك ...لما تلاقي كلام الصدق
بين ليلة ويوم أصبح كدب
إرفع إيدك قوله يا رب
يا رب
يا رب
يا رب
ردحذف