أنا ليه عشقتك ؟
ليه هويتك ؟
ليه ملكتيني ؟
و ليه باحس بقسوة فيكي
لما بتجيني ؟
و الحزن ليه في عنيكي فوق الحدّ ؟
و القلب ليه مقفول ما دخلوش حدّ ؟
و الردّ ليه دايماً عنيد محتد ّ ؟
و بعدها ألمح عينيكي بطيبة تناديني !
مجروحة ؟ جايز
بس ليه جارحاني ؟
وانا لمس كفي فوق خدودك حاني ؟
بارضيكي.. و استرضيكي..
و انت مش فاهماني
أنا ليه عشقتك ؟
ليه هويتك ؟
ليه ملكتيني ؟
حسّاني ؟ قولي
ولاّ مش حسّاني ؟
عايزة هوايا ؟
ولاّ عايزة هواني ؟
دانا روحي فيكي و انت روحي..
بس مش ساكناني
أنا ليه عشقتك ؟
ليه هويتك ؟
ليه ملكتيني ؟
ليست هناك تعليقات:
إرسال تعليق