لما وسط الناس تقولي..
بالتراب بعت الياقوت
لما تستني وصولي..
زي طير مستني قوت
لما تبقى الليلة أطول من سنين عمر فات
لما يبقى عندك أسهل من رجوعي المعجزات
يمكن أرضى ساعتها و اقبل..
تبقى ليّه .. و بشروط !
***
يعني إيه كان بينّا وعد ؟
وعدي كان قصاده وعدك
يبقى مش فاضل وعود
يعني إيه بنحب بعض ؟
عشتِ بعدي و عشتْ بعدك
يعني ما وقفش الوجود
وفَّري عالقلب ذلُّه
ولاّ اقولِّك حقّي كلّه
يمكن أرضى ساعتها و اقبل..
تبقى ليّه .. و بشروط !
***
الدموع مش اعتذار
تبكي ليلِك.. تبكي عمرِك
حق من ضمن الحقوق
حتى لو في القلب نار
ما انت سبتِ في قلبي جمرك
جربي نفس الحُروق
اعرفي قيمة اللي ضاع
غيري طبع الخداع
يمكن أرضى ساعتها و اقبل..
تبقى ليّه .. و بشروط !
السلام عليكم
ردحذفاول زياره ليا وبإذن الله مش الاخيره
مدونتك جميله جدا
وقلمك اجمل بكتير
تقبل مرورى وتمنياتى بالتواصل
ودى وإحترامى :)
شكرا جزيلا أيها القادم من أقدم عاصمة للحب
ردحذفأتمنى لك طيب الإقامة :)
كل الود