عارف انك الليلادي بتبكي.. عارف
زي ما تكوني قصاد عيني و شايف
قلبي حسِّك..
زي ما تكون الدموع نازلة علَيَّ
وصله حِسِّك..
اللي عمره ما حاشه بعدك عن عينيَّ
بس مش عارف..
بتبكي قلبي ولاّ قلب تاني..
ولاَّ قلبك في الليالي وحيد و خايف
***
فات زمان
عاللي كان بينّا زمان
يا ترى حبيتِ بعدي ؟
يا ترى حسيتِ بعدي بالأمان ؟
و اما وسط الليل بتبكي حد سامعك ؟
ولاّ فوق الخد إيدك ماسحة دمعك ؟
دمعة الظالم على المظلوم في ليلُه و هوّ آسف
عارف انك الليلادي بتبكي.. عارف
***
الغريب
إني على بعدي قريب
في الطريق بالمح عينيكي
و في الليالي الحلم بيكي
و امّا ياخدني كلام الشوق في غنوة
بانسى جرحك و افتكرلك لحظة حلوة
و المحك زي الليلادي كإني قدامك و واقف
عارف انك الليلادي بتبكي.. عارف
وليه احساسه الشديد عرف اللي بيها و ما اعرفش سببه ...
ردحذفولمافكر يسأل عن قلبها وحالها في بُعده ...
كان سؤال عشان حبيبته ؟ ولا بيرضي غرور قلبه إنها برغم المرار لسه بتحبه ؟
أسئلة تحتاج إجابة فعلا
ردحذفو احتراما لذكاء السائل أجيب
بالفعل كان يحس بأشياء أكثر مما أفصح عنها
لكنه (ربما) كان يعطيها الفرصة (أو يوحي لها) كي تجيب إجابة على غير الحقيقة !
أما سبب سؤاله عن حالها .. ربما كان وفاء لذكرى أو حنينا لها.. و لكن لا أعتقد أنه يرضى غرورا ما
ساعات لما بيسأل بس عشان يعرف ان كان قلبى ملاه غيره ولا لسه على حاله مستنى سؤاله
ردحذفاللي حس في البعد مش مستني يعرف.. و إلا يبقى إحساسه ناقص زي حبه
ردحذفو اللي جاي يطمن ان ما حدش خد مكانه.. يستحق ان المكان يتملي لإنه ما يستاهلوش