ساعات بابقى نفسي
اقولِّك كلام
و احوشه كإني
باخاف منِّك انتِ
و كل الحكاية
باخاف مالتمنِّي
***
هواكي حقيقي
خلق من جديد
في قلبي كتير
و دايمًا في ضيقي
بالاقيكي جنبي
و قلبك كبير
لإنِّك حقيقي
هوايا الحقيقي
و فوق ده و ده
هوايا الأخير
***
باحاسب عليكي
على قد ما اقدر
و باقدر عليَّه
و اشوف من عينيكي
ما بين الكسوف
و فرحتها بيَّه
سؤال دارى نفسُه
و عارفُه و حاسُّه
لأنُّه ده حِلمي
تكوني انتِ ليَّه
***
عشان خاطري سامحى
هوايا ان أخدني
بغيرته عليكي
و غيَّر ملامحي
لإني ما صدَّقت
اني التقيكي
باحبِّك بكلِّي
و لمَّا باصلِّي
أول ما باحمِدْ
ربي.. عليكي
***
ساعات بابقى نفسي
اقولِّك كلام
و احوشه كإني
باخاف منِّك انتِ
و كل الحكاية
باخاف مالتمنِّي
باخاف م التمني على قلبي الضعيف
ردحذفباخاف ربيع حبي يتحول خريف
باخاف من قلبك حبيبتي برغم الحب فيه
من غيرتي وكتر حبي يمل وف الليالي يضل
ياااه يا حبيبتي لو يوم نكوني ... ولا لأ
مش هاكمل ...عارفة ليه
كل الحكاية باخاف م التمني
البعض يخاف ألا تتحقق الأماني.. و البعض يخشى أن تأتي فلا تملأ عين ابن آدم
ردحذفالسلام عليكم ..
ردحذفصح كلامك ولسانك ..
معك حق في كل حرف ،
فليس كل مايتمناه المرء يدركه ..
دمت بكل خير ..
وتقبل مروري ..
أسعدني مرورك
ردحذفدمت بكل الخير