تسمحيلي أسأل عليكي
لما توحشني عينيكي
لما أفتكر اللي كان
مش احنا كان بينا زمان..
حب.. و لاّ ما كانش فيكي
***
تسمحيلي بعدك اكتب
في اللي هتحس بهوايا
قصدي أكدب.. أصلي هاكتب
فيكي أشعاري و غنايا
و اما تبقي تسمعيها
هتعرفيني و تعرفيها
وتعرفي اني كاتبها ليكي
تسمحيلي أسأل عليكي ؟
***
تسمحيلي لما اشوفك
صدفة لو قدر جمعنا
إوعي تداري فْــ كسوفك
مش هاجيب سيرة وداعنا
هابقى امد إيديَّ بس
و السلام له برضه حس
كفاية إيدي بين إيديكي..
تسمحيلي أسأل عليكي ؟
***
تسمحي لمرة أخيرة
إني أحـــــــاول أفـــوَّقِــك
بكلام حروفة مش كتيرة
كلمة واحدة.. باعشقك
و إذا لسة رافضة كل شيء
قدَّري إني فيَّ شوق
و اسمحيلي أسأل عليكي
تسمحيلي أسأل عليكي ؟
السلام عليكم ..
ردحذفجميلة جدا وفي منتهى الرقة ..
يسلم قلمك ..
تقبل مروري .
و عليكم السلام و رحمة الله
ردحذفخالص الشكر و المودة على التواجد الكريم