جاي اشكرك على دعوتي في ليلة فرح
ما عرفتنيش !
فاكراني هاقضي الليلة مع قلب انجرح
وارفض.. ماجيش !
و ازاي ما اجيش ؟
و ازاي ما اجيش ؟
يمكن أكون وسط القلوب
و بين عيون راصدة العيوب
أنا الوحيد فرحان بحق !
يمكن جنون.. على أي حال
لكن بدون ما اقصد سؤال..
أنا سعيد.. ليه انت لأ ؟
***
مش جاي قاصد أي شيء
غير اني اشوف ضحكة زمان
و انا جايِّلك طول الطريق
باضحك عشان انسى اللي كان
و لو انه ما يصحش اقول
واحشاني و ده سبب القبول
و جاي باسابق عالوصول
ما وحشتكيش ؟
غير اني اشوف ضحكة زمان
و انا جايِّلك طول الطريق
باضحك عشان انسى اللي كان
و لو انه ما يصحش اقول
واحشاني و ده سبب القبول
و جاي باسابق عالوصول
ما وحشتكيش ؟
***
أرجوك لا.. بلاش دموع
دي هي ليلة عمر واحدة
و ده النصيب ما فيهوش رجوع
و كإن أنا اللي عرفت واحدة !
يلا اضحكي.. و انسي اللي فات
أيام و هابقى ذكريات
و ان جيت على بالك ساعات
ما تفكَّريش !
السلام عليكم ،
ردحذفرائع كعادتك ،
يسلم فكرك ..
وتقبل مروري .
مرور عطر
ردحذفشكرا جزيلا زهرة نيسان
رائع رائع بجد
ردحذفاللون ده بالذات ليه معزه خاصه عندى
وحضرتك ابدعت فعلا
شكرا جزيلا يا ابوحميد
ردحذفو يا رب نسمعها بصوتك الجميل قريب إن شاء الله