فوق خدودك.. يا صبيَّة..
ضحكة من نور القمر
لو عليكي أمّر ليَّه..
كنت أقول قلبي أمر
ضحكتك و القلب شايفك..
ما تفارقشي يوم شفايفك
و ان داريتها دموع عينيكي..
ضميهالي بين إيديكي..
و ابكيهالك من عينيَّه
بس اشوف الضحك ديَّه
فوق خدودك.. يا صبيَّة..
ضحكة من نور القمر
***
قد إيه الضحكة حلوة..
لما بتنوَّر وشوش
تصفى تبقى أحلى غنوة..
لما تحضنها الرموش
بس في عينيكي انت أحلى
ضحكة زي المية سهلة
و ان داريتها دموع عينيكي..
ضميهالي بين إيديكي..
و ابكيهالك من عينيَّه
بس اشوف الضحك ديَّه
فوق خدودك.. يا صبيَّة..
ضحكة من نور القمر
***
و فْـ كسوفك ويّا صمتك
و الإيدين فوق الخدود
لما اشوفك بابتسامتك
أقوى من كل الردود
اوعي لحظة تخلّي حزنك
يخفي بسمة راسمة حسنك
و ان داريتها دموع عينيكي..
ضميهالي بين إيديكي..
و ابكيهالك من عينيَّه
بس اشوف الضحك ديَّه
فوق خدودك.. يا صبيَّة..
ضحكة من نور القمر
السلام عليكم
ردحذفانا بحبك اوى يا استاذ احمد
شكرا على المتعه اللى بلاقيها عندك
ودى وإحترامى :)
وعليكم السلام و رحمة الله و بركاته
ردحذفأحبَّك الذي أحببتنا فيه يا صديقي :)
و شكرا على مرورك العطر
لك مني كل المودة
قصيدة في منتهي الرقة والعذوبة كعادتك يا فنان....(واوعي مرة تخلي حزنك يخفي بسمة راسمة حسنك) اكتر بيت عجبني مع كل احترامي وتقديري
ردحذفsh
شكراً جزيلا يا دكتورة
ردحذفشرفتني بمرورك