اعتذار

عندي اعتذار متأخر بقاله زمان
عندي اعتذار تستاهله و فوقه كمان

ميت الف آسف على حبك
ميت ألف ندمان على قلبك
ميت ألف نفسي أكون جنبك

و فوق ده و ده مليون عشمان 

•••

جايز يبقى فات الوقت
ما يفيدش كلام دلوقت

حتى اذا كنت ضعت خلاص
حقك يوصلك إحساس
قلبي بمنتهي الإخلاص 

•••

تقبل عذر من غير عذر
عن قسوة و جرح بغدر

و تصدق دموع مشتاق 

ظالم.. بس حنّ و فاق

و اتعذب ندم لفراق 

...

ميت الف آسف على حبك
ميت ألف ندمان على قلبك
ميت ألف نفسي أكون جنبك

و فوق ده و ده مليون عشمان