ما كنتش أتمنى
بعد اللي كان بينَّا
يبقى ده آخرنا
أحلام لبعضينا
تعيشها بعدينا
معانا ناس غيرنا
و نقولّهم داحنا
قبليكو ما ارتحنا
و الكِدْب في ضميرنا
***
هننسى ؟ ننسى إيه ؟
ننسى الكلام ؟ طيِّب..
و معاه كلام النَّاس
طب مين ينسِّي عينيه
اللي شافوه قريِّب
مالقلب و الإحساس
و نودِّي عينينا فين
لما تيجي فْـ عينين
خاينها تفكيرنا
لما تيجي فْـ عينين
خاينها تفكيرنا
....
و نقولّهم داحنا
قبليكو ما ارتحنا
و الكِدْب في ضميرنا
***
شوقنا اللي ضيَّعناه
من غير ما ندرى ازّاي
مكتوبلنا ذنبين
ذنب اللي فات ويّاه
و فوقه بكرة الجاي
يتحاسبوا بيه القلبين
و ذنب ناس حساه
اللي القلوب شايلاه
نكسر.. و تجبُرنا
....
و نقولّهم داحنا
قبليكو ما ارتحنا
و الكِدْب في ضميرنا
ليست هناك تعليقات:
إرسال تعليق