قد ما بينّا اختلاف
قد ما بانسى الخلاف
في دموع عينيكي
و قد قلبي عذاب ما شاف
قد ما لسّه باخاف
موت عليكي
ياللي مجنونة بعذابي
قلبي مجنون بيكي حسي
ليه أنا باداري فْـ عتابي
و انت بتزيدي و تقسي
و الهوى عني تحوشيه
حتّى و انت حاسّه بيه
و امّا اقولِّك .. ماشي.. عايزة حاجة ؟ .. قولي
تسكتي.. و الدموع يندهولي
و قد ما بينّا اختلاف
قد ما بانسى الخلاف
في دموع عينيكي
قد قلبي عذاب ما شاف
قد ما لسّه باخاف
موت عليكي
عارفة لو ما اعرفش قلبك ؟
كنت سبتك من زمان
بس عارف إنّه غالبك
طفل له ساعة جنان
و أحلى ما فيكِ تعاندي
و انتِ عارفة الحق عندي
و امّا اقولِّك .. ماشي.. عايزة حاجة ؟ .. قولي
تسكتي.. و الدموع يندهولي
و قد ما بينّا اختلاف
قد ما بانسى الخلاف
في دموع عينيكي
قد قلبي عذاب ما شاف
قد ما لسّه باخاف
موت عليكي
ليست هناك تعليقات:
إرسال تعليق