تغيب عنا قلوب ياما..
نقول الدنيا سرّاقة
تاخدنا ألف دوامة..
و تفضل روحنا مشتاقة
لكن مهما يطول البعد
مادام فيه قلوب تصون الوعد
مسير الحي يتلاقى
بنتغيَّر مع الأيام..
و تتباعد مطارحنا
لكن يفضل لقا الأحلام..
يفكَّرنا بملامحنا
نشبِّه لو جمعنا طريق
نقرب إيد صديق لصديق
نلاقي قلوبنا سبَّاقة
ماهو مهما يطول البعد
مادام فيه قلوب تصون الوعد
مسير الحي يتلاقى
بننسى وشوش بأساميها
و أيامنا بتِشْغِلنا
و نتقابل ما نعرفها
نبصِّلها تبصِّلنا
و ناس نتمنى نِصَادفها
و ناس عايشين مع طيفها
و ناس بالقلب تتلاقى
ماهو مهما يطول البعد
مادام فيه قلوب تصون الوعد
مسير الحي يتلاقى
السلام عليكم ،
ردحذفجميلة جداً ،
تسلم ايديك ..
دمت بكل خير .
بتغير الأيام ملامحنا ..
ردحذفولما تتلاقى الوشوش مرتين ما بيتلاقوش يوم القا لتاني
عمر الوشوش ما بتبقى بعد السنين نفس الوشوش دي بتبقى شيء تاني ..
يا ترى اللي بيعيش الزمن احنا ولا الزمن هو اللي بيعشنا
شكرا جزيلا زهرة نيسان على مرورك الرقيق
ردحذفخالص تحياتي
غير معرف :
ردحذفعمر الوشوش ما بتبقى بعد السنين نفس الوشوش دي بتبقى شيء تاني ..
و بعض القلوب للأسف
لكن في قلوب مخلصة بتفضل ولا يؤثر عليها الزمن يافنان
ردحذفإلا عبادك منهم المخلصين
ردحذفوعد إلهي