ماحدش بيموت ناقص عمر
بس ساعات العمر بيخلص جوّه العايش
لما يعيشه أسرع ما الأيام بتجيله.. ابن الموت
أو يتبادله مع محبوب رافض يديله.. حتى الصوت
أو ينساه مفتوح فيسرسب.. طول الشوق
أو بمزاجه يسهر يكتب.. و لا فيه شروق
يخلص عمره..
و هو الدابح و المدبوح
يخلص عمره..
بس الموت مش مسموح
يخلص عمره..
لكن يحيا حلاوة روح
ما اقدرش اقول عليها غير انها وجعت قلبي قوي يا فنان، رائعة،مع كل تقديري واحترامي لفنك الجميل
ردحذفsh
سلامة قلبك يا دكتورة
ردحذفبس هو ما بيجيبشي غير وجع القلب فعلا !
مش عارف أشكرك ولا أعتذر :)
طيب يعمل ايه ؟
ردحذفقضى عمره يدي ويدي ولما يطلب لحظة صدق
يكون الرد آسف مش مسموح ...
بيضيع عمره مستني وبيوهم نفسه
إن الجنة للمجروح
لا هو حاسس طعم الدنيا
ولا حد هيبيكي عليه لما يروح
يعرف إن الحساب مش هنا
ردحذفو في يوم مجموع له الناس