ضفَّري مشاعرِك في حضني
و فرَّحيني مرة بيها
و اغسلي همومك في حزني
دوِّبيني و دوِّبيها
فضفضي بكل اللي جوه
قلبي قلبك هوَّه هوَّه
ده اللي بعد الغيبة جابني
إني حاسس باللي فيها
***
احكي أحلامك قوليلي
شايفة بكرة إيه و فيـن ؟
و يا ترى تاني تناديلي ؟
ولاّ تبعدنا السنيـن ؟
واللي كان.. حلم انتهى ؟
ولا لُه باقي.. و لِها ؟
***
احكي عن حبك قوليلي
هو ده اللي حلمتي بيه ؟
و لاّ غيره ؟.. اوصفيلي
إيه اللي كنتي عايزاه فيه ؟
ليه قريبة دموع عينيكي ؟
نفسي أقرَّب.. أحتويكي !
...
...
فضفضي بكل اللي جوه
قلبي قلبك هوَّه هوَّه
ده اللي بعد الغيبة جابني
إني حاسس باللي فيها
...
ضفَّري مشاعرِك في حضني
و فرَّحيني مرة بيها
برافو عليك :)
ردحذفكالعادة والله ربنايبارك فيك يا أستاذ أحمد كلمة رائعة شوية عليهاsh
ردحذفأقدم عاصمة في الحب
ردحذفأسعد بتواجدك
كل الشكر
ربنا يبارك فيك يا دكتورة شيماء
ردحذف