الجمال في الحرْف حُسْنِك
و الشَّجَن من باقي حُزْنِك
و الغُنا لعصفور في غُصْنِك
علِّمُه قلبِك غُناه
و الجِميل في القلب باقي
للجَميل اللي اشتياقي
لُهْ ما غيَّرهوش فراقي
لسه باتنسِّم هواه
الساعات بعدِك بطيئة
و الوشوش باردة بطريقة
و الحروف أوفى صديقة
بتواسيني في الحياه
و اما باسهر ليل بطوله
مش لاقيلِك حرف اطوله
أفتكر كلامنا اقولُه
يرجع الشعر اللي تاه
ليست هناك تعليقات:
إرسال تعليق