مش كل الأحلام تتحقق
لكن الأيام بتعوَّض
بتقرَّب بعد ما بتفرَّق
و تفَرَّح.. مين يقدر يرفض
و بننسى فْـ ضحك قلوب تانية
أحزان ما غابتشِ ولاَ ثانية
نكدِب على روحنا و بتْصَدَّق
***
الدنيا ماهيش جنة عشانّا
بتعاند فينا و نعاندها
على قد ما تقسى و تحزِنَّا
بندوَّر على ناس نسعِدها
...
و بننسى فْـ ضحك قلوب تانية
أحزان ما غابتشِ ولاَ ثانية
نكدِب على روحنا و بتْصَدَّق
***
الحلم ما هوش لازم يحصل
و هنحلم و هنفضل و نحلم
جايز لحاجات أجمل نوصل
بس أمَّا نشوف بعيون تفهم
...
و بننسى فْـ ضحك قلوب تانية
أحزان ما غابتشِ ولاَ ثانية
نكدِب على روحنا و بتْصَدَّق
shمعقولة ممكن نكدب علي روحنا وتصدق ......ممكن ده يحصل يافنان؟؟؟؟؟مع خالص تقديري وإعجابي بتحفتك الجديدة
ردحذفمش فيه ناس (ظلمموا أنفسهم) .. يبقى أكيد فيه ناس كديوا على روحهم . و صدَّقوا الكدب كمان
ردحذفتحياتي يا دكتورة