حكايات بتخلص و تفوت
لا تتحكي و لا تتقال
لا تتحكي و لا تتقال
نسمعها دايما في سكوت
و نشوفها قدامنا خيال
و نشوفها قدامنا خيال
لكن الحقيقة اننا عشنا
أيام جميلة بتوحشنا
ضيعها صغرنا أو طيشنا
لكن بتفضل عالبال
***
حكايات ما بين حلوة و مرة
لكن المرار مش فاكرينه
و الماضي كل ما بقى ذكرى
بتحلى ناسه و سنينه
يمكن عشان بعدوا و غابوا
ناسيين هواهم و عذابه
...
لكن الحقيقة اننا عشنا
أيام جميلة بتوحشنا
ضيعها صغرنا أو طيشنا
لكن بتفضل عالبال
***
حكايات بنستغرب منها
و كإننا احنا مش احنا
و لا كنا فيها فاهمنها
و لا لما راحت ارتحنا
فضلت معانا لدلوقتي
يا ريت يا قلوبنا ما عشقت
...
لكن الحقيقة اننا عشنا
أيام جميلة بتوحشنا
ضيعها صغرنا أو طيشنا
لكن بتفضل عالبال
وأوعدك يا زمان لو ترجع
ردحذفلأعيشها تاني ولاهاندم
بجنونها وطيشها وناسها
ودموعها حتى اللي بتوجع
احسااااااااااااااااااااس ملهوش حل
ردحذفوالله العظيم انت ملك الاحساس
ربنا يزيدك يااستاذى
وأوعدك يا زمان لو ترجع
ردحذفلأعيشها تاني ولاهاندم
بجنونها وطيشها وناسها
ودموعها حتى اللي بتوجع
----------------
الحمدلله إنه ما بيرجعش !
ربنا يبارك فيك يا أحمد
ردحذفبتاعتك الكلمات دي.. نفسي أسمعها بصوتك