لسه بتسألي إمتى بحبك !
طول ما انا صاحي ..
طول اليوم
وانا قدامك..
وانا مش جنبك
وامّا ياخدني ملاك النوم
و امَّا خيالي يروح مع غنوة سوا سمعناها
و امّا باسامح فيكِ القسوة كتير و انساها
و امّا الطيبة بعد الغيبة تبان في عينيكِ
بعد الغلطة.. عرفت و راجعة.. صعِبْت عليكِ
لما تجيلي.. لما تشيلي الشوك مالوردة
بتبقي أجمل أم و أخت و طفلة في واحدة
ولسه بتسألي إمتى بحبك !
طول ما انا صاحي .. طول اليوم
وانا قدامك.. وانا مش جنبك
وامّا ياخدني ملاك النوم
و امّا باحس بـ(حاجة) فـْ واحدة .. باحكيلها عليكِ
و كإنّي قلتلها انسيني.. أنا مش ليكِ
و امّا صحابي يحكوا ليّ عاللي معاهم
و معذِّبهم.. و القى عذابي إني معاهم
و امّا عينيهم تجري ما بين ميت واحدة و واحدة
بالقى في عيني صورتك انت..
صورتك و انت أجمل واحدة
ولسه بتسألي إمتى بحبك !
طول ما انا صاحي .. طول اليوم
وانا قدامك.. وانا مش جنبك
وامّا ياخدني ملاك النوم
ليست هناك تعليقات:
إرسال تعليق