عودتني دنيتي..
لما تسيبني أتغلب..
أقول هترجعلي مسيرها
و كل صفحة..
فيها فرح أو فيها جرح بتتقلب..
و تيجي صفحة جديدة غيرها
إلا إنتِ..
صفحتك ما قلبتهاش..
قطعتها !
عشان مافيش..
بعد اللي بينّا.. غير كلمة واحدة تتكتب..
الدنيا ضاع من ناسها خيرها
***
كل مرة..
كنت اقول قلبي مات..
يصحى تاني
ألقى نفسي..
بارجع انسى اللي فات..
باللي جاني
لكن المرّادي ضاع..
مش لاقيه..
عارفة ليه ؟
ضاق بكتر الذكريات اللي فْـ زماني
***
كل واحد..
قاللي ليه صبري كان..
كتير عليكي ؟
و اني ليه..
ما مشيتش لمّا الغدر بان..
من عينيكي ؟
ما ابتداش بالوداع..
قلبي ليه ؟
عارفة ليه ؟
ما كانش فاضله مكان.. سبته ليكي !
ما كانش فاضله مكان.. سبته ليكي !
ردحذفعارفة ليه ؟
كنتي آخر باب أمل
كنتي آخر مرة يوصلني من شمسي شعاعها
كنتي آخر رحلة للمسافر في الزمن
وأما يخوني القلب في اختياره للحبيب
يستحق إنه في أرض غدرك أدفنه وبدون ألم ..
نعم.. هو ذا الوجع
ردحذف