حلمي اللي ضحَّكُّم عليَّ..
حلمي اللي لمتوني عليه
و ابعد بعيد عنكم عينيَّ..
لتقولوا عايش لسَّه فيِه
حلمي اللي عاش ليل الشوارع..
و حكيته لبيوت الطريق
و الدمع فوق الخد لامع..
و الصبح في طلوعه بطيء
مالقيتش يومها حد سامع..
دلوقت ليِه مليون صديق !
***
قدَّام عينيَّ شريط زمان..
عمره ما فارقني فْـ مكان
حكيتلكم حلمي لقيت..
ضحكة صحاب استكتروه
صِعْبِت عليَّ الروح.. مشيت..
لـ فوسْط صُحْبتكم يتوه
حلمي اللي ضحَّكُّم عليَّ..
حلمي اللي لمتوني عليه
و ابعد بعيد عنكم عينيَّ..
لتقولوا عايش لسَّه فيِه
***
الحلم اهو قدامكو بان..
و اتفتَّحت كل البيبان
ما عادش لازمة لأي لوم..
عدى اللي عدى خلاص و غاب
و زي ما اخترتم في يوم..
اخترت من حلمي الصُّحاب
حلمي اللي عاش ليل الشوارع..
و حكيته لبيوت الطريق
و الدمع فوق الخد لامع..
و الصبح في طلوعه بطيء
مالقيتش يومها حد سامع..
دلوقت ليِه مليون صديق !
ليست هناك تعليقات:
إرسال تعليق