خسارة .. الحلم صحيتني ما كمِّلتوش
خسارة.. القلب كان دايب ما بيهمُّوش
خسارة الفرح بكِّيته
و كان قرَّب لباب بيته
ياريتك كنت خليته
يدق الباب
بقالي زمان ما شفتوش
***
أهاديك ضحكة في خدودك..
تجازي بدمعة العين
أصبَّر نفسي بوجودك..
تقولِّي تعالَ بعدين
أنا عاشق..
لكن قلبك ده كان زيِّي
و كان عاشق ..
و فاكر فرْحُه بمجِيِّي
و لو ناسي هوانا ده كله..
يا خسارة اني ما نسيتهوش
***
إذا يعني.. إذا وحشتك..
إذا جيتلك على بال
أعِيشك زي ما عِشْتَك..
و اعيدلك كل ما اتقال
لو اشتقت لهوايا ارجع تعالالي
أنا مسامحك و مشتقالك قوي يا غالي
باحبَّك حبي ده كلُّه..
و يا خسارة ما حسيتهوش
...
خسارة .. الحلم صحيتني ما كمِّلتوش
ليست هناك تعليقات:
إرسال تعليق