فيه حاجات بتستاهل..
ندم و دموع و لوم
لكن بتستاهل ده كله عشان نقوم
و ناس تفوق..
و ناس تضيع..
و تبان فروق بين البشر
معقولة يتساوى الجميع ؟
اللي احتمل.. و اللي انكسر ؟
إمّال يكون من حق مين يفْرِق في يوم !
عايز تكون عادي كون...
لكن ما تحلمش بجنون
احلم على قدك..
هتلقى مليون سهل
اخترت صعب .. اعرف..
بيتمشي عالمهل
و له ساعات في نهار
بس الليالي كتار
تخلّي ناس تحتار
بين العدُو و الأهل
و ناس تفوق..
و ناس تضيع..
و تبان فروق بين البشر
معقولة يتساوى الجميع ؟
اللي احتمل.. و اللي انكسر ؟
إمّال يكون من حق مين يفْرِق في يوم !
تعبت مش قادر تطيق ؟
ارجع كتير رجعوا الطريق
و ياما ناس حسوا ان فيهم ضعف
مع إن غيرهم شالوا ضِعف الضِّعف
و همّ زيّ النّار
و غدر ميت غدّار
لا استسلموا لأعذار
و لا حتّى نظرة عطف
و ناس تفوق..
و ناس تضيع..
و تبان فروق بين البشر
معقولة يتساوى الجميع ؟
اللي احتمل.. و اللي انكسر ؟
إمّال يكون من حق مين يفْرِق في يوم !
ليست هناك تعليقات:
إرسال تعليق