هاعلِّمك.. و علِّمتك كتير
هاعلِّمِك.. و ده درسي الأخير
هاعلِّمِك.. ليه ناس بتفرح ساعة و بتندم سنين
هاعلِّمِك.. ليه ناس تقابل جرح ناس بحنين
و هتفهمي بعدين
لمّا يعدِّي زمان
و تقولي مرة زمان
حبِّني إنسان
حبني بحقيقي
***
كفاية امشي و انا ناوي..
لو احتجتيني أجريلِك..
و مش دايس.. سنين القرب
كفاية انسى ان انا مداوي..
دموع قلبك في نار ليلك..
و مش حاسس.. جِميل عَـ الحبّ
لكن درسي اللي يتعلِّم..
أنا مسامحِك و بادعيلك..
دعا خالص.. دعا مِـ القلب
***
كفاية فراقنا مش ذنبي..
و جرحه في بإيديكي..
و مش ناطق.. و صاين ودّ
كفاية لو فيه ناس جنبي..
بيرضوني بكلام فيكي..
هاكون سابق.. و انا اللي هارد
لكن درسي اللي يتعلِّم..
هاقول عنك.. (و مش فيكي)
كلام عاشق.. ما خدهوش بُعْد
و هتفهمي بعدين
لمّا يعدِّي زمان
و تقولي مرة زمان
حبِّني إنسان
حبني بحقيقي
هاقول عنك.. (و مش فيكي)
ردحذف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ربما يَذْكُرُها بِجَميلٍ لَم يكُن فيها
ردحذفلكنه هكذا رآها.. و لم يزلْ