قلب دهب

جوه الجيب في جاكتّة قديمة

وسط دولاب الشتوي لقيت

عشرة جنيه ورقتها قديمة

و معاها مفتاح للبيت

مديت إيدي في جيبها التاني..

لقيته فاضي

حسيت الجيب الجواني..

شيء مش عادي

قلب دهب.. مكسور.. جواه..

مكتوب اسمي و اسم معاه..

و تاريخ من سنتين اتنين

و سنين ضاعت من عمرين

ياه عالعمر.. ياه عالدنيا..

و كإن الأيام دي ثانية

كنا امبارح من سنتين..

آخر مرة تشوفها عينيه

كنا امبارح متفقين..

نخرج جايب ليها هدية

قلب دهب.. مقفول جواه

مكتوب اسمي و اسم معاه

و تاريخ من سنتين اتنين

و سنين ضاعت من عمرين

ياه عالأيام لما بتقسى

بس أهي بتصبَّرنا و نِنسى

يلا ده طبع الدنيا و حالها

قصة و خلصت بينها و بيني

ليها دلوقت ابن حلالها

و أنا ليَّه اللي شايلها فْـ عيني

قلب دهب.. مفتوح جواه

أجمل حب فـْ عمري القاه

و(ملاك) بينَّا احنا الاتنين

ما بقاش عندي لغيره حنين