هنا آخر الحلم الجميل..
هنا تبتدي سكة فراق
و رجوعه تاني مستحيل..
بعد اللي كان نايم ما فاق
و النور دخل في عينيه و قام..
و خده نهاره بالزحام..
مين لو رجع تاني و نام..
هيكمِّل الحلم الجميل
كان حلم عادي مش جنون..
ما الحلم ياما فيه و فيه
مافيهوش حساب مهما يكون..
مادامه حلم حلمت بيه
لكن جنونه انك تبات..
ليلك على حلمه اللي فات..
مين لو رجع تاني و نام..
هيكمِّل الحلم الجميل
لا الحلم كان على كيف هواك..
و لا بإيديك رجوعه ليك
ده فْـ ليلُه هوَّ اللي نداك..
و جريت مغمَّضله عينيك
و غيابه زيّ مجيُّه كان..
هوَّ اللي مِختار الزمان..
مين لو رجع تاني و نام..
هيكمِّل الحلم الجميل
لا أجد أبلغ من هذا تعليقا:
ردحذفلاَ تُـصَـادِرْ حُـلْـمِـيَ المَسْـرُوقَ مِنْ دَمْعِ الثَّوَاكِلْ
كُلَّمَا أَغْرَقْتُ فِيهِ..
كُلَّمَا حَاوَلْتُ أَنْ أَنْأَى بِحُـلْمِي..
جَاءَ مَنْ يُوقِظهُ مِنِّي.. جَاءَ مَنْ يَأْخُذهُ عَـنِّي..
وَ انْبَرَى لِي أَلْفُ قَاتِلْ !!
هي تنويعات على ذات اللحن
ردحذف