صوت الحق

في ساعة لما يخرج صوت..
بشيء جايز ماهوش مسموح..
لكن محسوس

بنقتل نفسنا بسكوت..
و نـرفـض بالـحـقـيـقـة نبوح..
و فوقها ندوس

زرعنا الخوف..
و كان لازم هنحصد خوف
و فوق الخوف..
زيـِّـفـنـا كـلام و حـــروف

و قلنا ده عيب..
و مش مقبول..
حتى في العقول لو دار
و ده مالغيب..
تزيد الـقـُــول..
يـكـون مـحكــوم عليك بالنار

في ساعة لما يخرج صوت.. 

بشيء جايز ماهوش مسموح.. 

لكن محسوس 

بنقتل نفسنا بسكوت.. 

و نـرفـض بالـحـقـيـقـة نبوح.. 

و فوقها ندوس 

كـلامنا كتير..
ساعة ما يكون كلام مكتوب
لكن بيطير..
ما يــدخلـش فـي أي قـلـوب

و لما يكون..
على صوت ناي..
خجول لكن يادوب مسموع
نقول ده جنون..
بيشكي ازاي..
و ينطق باللي بيه موجوع

في ساعة لما يخرج صوت.. 

بشيء جايز ماهوش مسموح.. 

لكن محسوس 

بنقتل نفسنا بسكوت.. 

و نـرفـض بالـحـقـيـقـة نبوح.. 

و فوقها ندوس 

بنرسم سور..
يحاوط سِكِّة المرفــوض
و لو في النور..
بروحنا هنعرف المفروض

ده عمر السور..
ما يمنع ناس..
تِعَدِّي أو تِشِبّ تشوف
هييجي الدور..
عاللي انداس..
يدوس لما يضيع الخوف