نحلم سوا يبقى..
خدِّك على خدِّي
نتعب سوا نلقى..
الليلة بتعدِّي
و الحلم من غير حب..
يبقى مالوش معنى
و الحب من غير صعب..
يبٍقي احنا في الجنَّة
و احنا اتخلقنا في أرض..
و الشوق علينا فرض
و الدنيا يوم تِدِّي
***
شوفي معايا الكون..
من فوق عشان تمشي
ما اقدرشِ أعيش مسجون..
مابين حدود رمشي
يا تحلمي معايا..
و تمشي ويّايا
يا تنتهي حكاية..
لا تجيب و لا توَدِّي
نحلم سوا يبقى..
خدِّك على خدِّي
نتعب سوا نلقى..
الليلة بتعدِّي***
عوِّدت نفسي خلاص..
ما احتاجش غير نفسي
طبع السنين و الناس..
و البعد بينَسِّي
رامي اللي راميني..
و اللي هيِوْفيني..
هاشيله بين بيني..
آخر كلام عندي
نحلم سوا يبقى..
خدِّك على خدِّي
نتعب سوا نلقى..
الليلة بتعدِّي
ليست هناك تعليقات:
إرسال تعليق